MANCHESTER YATUNDIKWA BAO 3 KWA 1 DHIDI YA CHELSEA

Kocha wa Chelsea Jose Mourinho amesema kuwa matumaini ya mabingwa watetezi wa ligi kuu ya Premier, Manchester United ya kulihifadhi kombe hilo msimu huu yametumbukia nyongo, baada ya klabu yake kuishinda United kwa magoli matatu kwa moja.

Nyota wa Cameroon, Samuel Eto'o aliifungia Chelsea magoli yote matatu na kuandikisha historia yake ya kufunga magoli matatu katika mechi moja ya ligi kuu ya Premier.

Chelsea hata hivyo imesalia nafasi ya tatu alama mbili nyuma ya Arsenal na moja nyuma ya Manchester City.

Jose Mourinho aamini Manchester United itaambuliwa patupu msimu huu

Mourinho amesema itakuwa rahisi kwa ngamia kuingia tundu la sindano kuliko Manchester United kushinda taji la ligi kuu msimu huu.

'' Ni vigumu sana. Wao wana alama kumi na nne nyuma ya Arsenal, kumi na tatu nyuma ya Manchester City na kumi na mbili nyuma yetu'' Alisema Mourinho.
''Pengine timu moja isambaratike, lakini kwa timu tatu kusambaratika kwa pamoja, itakuwa vigumu sana. Nadhani kilichosalia ni wao kupigania kumaliza katika nafasi za kwanza nne'' Aliongeza Mourinho.
Kadi Uwanjani
Nahodha wa United Nemanja Vidic alipewa kadi ya njano muda mfupi kabla ya mechi hiyo kumalizika, baada ya kumfanyia madhambi Eden Hazard, naye Rafael da Silve akaonyeshwa kadi ya njano kwa kumjeruhi Gary Cahili dakika moja baadaye.
Hata hivyo kocha wa Manchester United, Moyes, alihisa kuwa refa wa mechi hiyo alichukua uamuzi mkali zaidi kwa kuumpa Vidic kadi nyekundu moja kwa moja, huku akikiri kuwa Rafael alikuwa na bahati sana pale refa alimpa kadi ya njano badala ya kadi nyekundu.
Naye Mourinho alimsifu Eto'o mwenye umri wa miaka thelathini na mbili, licha ya kuwa aliwahi kumshutumu kuhusiana na matokeo yake hasa baada ya kuwasili kutoka klabu ya Anzhi Makhachkala mapema msimu huu.

MALINZI AELEZEA MIKAKATI YAKE KWA LOWASSA

Rais wa TFF, Jamal Malinzi (kushoto) akizungumza na Waziri Mkuu wa zamani Edward Lowassa ambapo alimwelezea mikakati ya shirikisho lake katika kuinua kiwango cha mpira wa miguu Tanzania. Mkutano huo umefanyika leo (Januari 20 mwaka huu) ofisini kwa Lowassa jijini Dar es Salaam.

Rais wa Shirikisho la Mpira wa Miguu Tanzania (TFF), Jamal Malinzi amesema shirikisho lake limepanga malengo ya muda mfupi na mrefu ikiwa na sehemu ya mkakati wa kuendeleza na kuinua kiwango cha mchezo huo nchini.

Malinzi ameeleza mikakati hiyo ya uongozi wake leo (Januari 20 mwaka huu) wakati alipomtembelea Waziri Mkuu wa zamani Edward Lowassa ofisini kwake jijini Dar es Salaam.

Amesema uongozi wake umepanga malengo hayo ikiwemo kuandaa mashindano maalumu ya kutafuta vipaji mikoani ili kuondokana na mtindo wa timu ya Taifa (Taifa Stars) kuundwa na wachezaji kutoka katika klabu chache tu.

Kwa upande wake Lowassa ambaye pia ni Mbunge wa Monduli ameelezea matumaini yake kwa uongozi mpya wa TFF katika kuunga mkono juhudi za Rais Jakaya Kikwete katika kuimarisha na kuinyayua Tanzania katika ramani ya mpira wa miguu duniani.

HIVI NDIVYO WATU 13 WALIVYOPOTEZA MAISHA PAPO HAPO KUFUATIA AJALI MBAYA YA NOAH NA LORI LEO MKOANI SINGIDA

Kamanda wa polisi mkoa wa Singida, SACP Geofrey Kamwela, akitoa taarifa ya ajali ya Noah T.730 BUX kuongwa na Lori aina ya Scania T.687 AXB katika barabara kuu ya Singida- Dodoma eneo la kijiji cha Isuna tarafa ya Ikungi wilaya ya Ikungi.Abiria 13 waliokuwa kwenye Noah wamefariki dunia na watatu wamepata majeraha madogo madogo.Ajali hiyo imetokea leo.(Picha na Gasper Andrew).

(KUMRADHI KWA PICHA WADAU).Baadhi ya wakazi wa kijiji cha Isuna tarafa ya Ikungi wilaya ya Ikungi mkoa wa Singida, wakitoa miili ya abiria wa Noah T.730 BUX waliofariki baada ya gari hilo kugongwa na lori aina ya Scania T.687 AXB kwenye barabara kuu ya Singida – Dodoma leo. Noah hiyo ilikuwa ikitoea Itigi wilayani Manyoni akienda Singida mjini.(Picha na Nathaniel Limu).

ABIRIA 13 wakiwemo watatu wa familia moja wamefariki dunia mkoani Singida leo, baada ya gari walilokuwa wakisafiria aina ya Noah T.730 BUK, kugongwa na Lori aina ya Scania.

Ajali hiyo ya kusikitisha imetokea leo saa  1.32 asubuhi katika barabara kuu ya Singida-Dodoma eneo la kijiji cha Isuna tarafa ya Ikungi wilaya ya Ikungi mkoani Singida.

Kamanda wa polisi mkoa wa Singida,SACP ,Geofrey Kamwela, amesema gari hilo aina ya Noah lilikuwa likitokea Itigi wilaya ya Manyoni na lilikuwa na safari ya kuja Singida mjini.

Amesema hadi sasa miili ya abiria 10 wamekwisha tambuliwa na ndugu zao na miili ya abiria watatu,bado haijatambuliwa na miili yote bado imehifadhiwa kwenye chumba cha kuhifadhia  maiti cha hospitali ya mkoa mjini Singida

Alitaja waliotambuliwa na makazi yao kwenye mabano kuwa ni Omari Shaban (44) na mke wake Salma Omari  na mtoto wao Nyamumwi Omari (10) wote wakazi wa Itigi mjini.

Kamwela alitaja wengine kuwa ni Haji Mohammed (29) (Msisi),Mtunku Rashidi (68) (Sajaranda),Salehe Hamisi (28) (Sajanranda),Samir Shaban (20) (Puma),Mwaleki Nkuwi (35) (Ikungi),Athumani Kalemba (38) na Ramadhan Mkenga (Sajaranda).Katika ajali hiyo,abiria watatu walinusurika na kupata majeraha madogo madogo.

Amefafanua juu ya ajali hiyo,Kamanda huyo alisema kuwa lori aina ya scania T.687 AXB wakati likipishana na noah,lilihama upande wake na kuifuata noah ambayo ilikuwa upande wake wa kushoto,na kuligonga na kisha kuliburuza kati zaidi ya 15.

“Kwa sasa bado hatujajua chanzo cha ajali hiyo mbaya ingawa baadhi ya watu wanadai kuwa huenda dereva wa lori alisisia na kusababisha lori hilo kuhama upande wake na kufuata noah.Uchuguzi utakapokamilika,tutatoa taarifa hiyo”,amesema.

Wakati huo huo,mganga mfawidhi wa hospitali ya mkoa mjini Singida,Dk.Banuba Deogratius amekiri kupokea miili ya abiria hao 13 na kusema kati yao,watoto ni wawili.habari kwa hisani ya moblog.

RAIS KIKWETE ATEUA MAKATIBU TAWALA WAPYA MIKOA MITANO NA KUHAMISHA WENGINE WAKIWEMO WAKURUGENZI WA MAJIJI

THE UNITED REPUBLIC OF TANZANIA

DIRECTORATE OF PRESIDENTIAL COMMUNICATIONS

Telephone: 255-22-2114512, 2116898 E-mail:  ikulumawasiliano@yahoo.com               press@ikulu.go.tz              Fax: 255-22-2113425

PRESIDENT’S OFFICE,       THE STATE HOUSE,               P.O. BOX 9120,   DAR ES SALAAM. Tanzania.

TAARIFA KWA UMMA

Rais wa Jamhuri ya Muungano wa Tanzania, Mheshimiwa Jakaya Mrisho Kikwete leo, Jumamosi, Januari 18, 2014,  amefanya uteuzi wa Makatibu Tawala wapya wa mikoa mitano na kuhamisha makatibu tawala wengine na Wakurugenzi wa Majiji nchini.

Taarifa ya Katibu Mkuu Kiongozi (KMK), Balozi Ombeni Sefue iliyotolewa jioni ya leo, Ikulu, Dar Es Salaam inasema kuwa uteuzi na uhamisho huo unaanza leo hii.

Kwa mujibu wa taarifa hiyo,  Makatibu Tawala wapya ni Ndugu Wamoja A. Dickolangwa ambaye ameteuliwa kuwa Katibu Tawala wa Mkoa wa Iringa ambako alikuwa Kaimu Katibu Tawala; Ndugu Abdallah D. Chikota ambaye ameteuliwa kuwa Katibu Tawala wa Mkoa wa Lindi. Kabla ya hapo, alikuwa Mkurugenzi wa Halmashauri wa Wilaya ya Newala na Ndugu Symthies E. Pangisa ambaye ameteuliwa kuwa Katibu Tawala wa Mkoa wa Rukwa. Kabla ya uteuzi wake, Ndugu Pangisa alikuwa Kaimu Katibu Tawala Mkoa wa Mtwara.

Wengine ni Ndugu Alfred C. Luanda ambaye ameteuliwa kuwa Katibu Tawala wa Mkoa wa Mtwara. Kabla ya uteuzi wake,  alikuwa Mkurugenzi wa Halmashauri ya Manispaa ya Tabora na Ndugu Jackson L. Saitabau ambaye ameteuliwa kuwa Katibu Tawala wa Mkoa wa Njombe. Kabla ya hapo, alikuwa Katibu Tawala Msaidizi wa Mkoa wa Arusha.

Taarifa hiyo iliwataja waliohamishwa kuwa ni Ndugu Beatha Swai aliyekuwa Katibu Tawala wa Mkoa wa Pwani na sasa anahamishiwa Ofisi ya Waziri Mkuu, TAMISEMI; Ndugu Sipora J. Liana ambaye alikuwa Mkurugenzi wa Jiji la Arusha anahamishiwa Ofisi ya Waziri Mkuu, TAMISEMI; Ndugu Benedict Ole Kuyan ambaye alikuwa Katibu Tawala wa Mkoa wa Tanga anahamishiwa Mkoa wa Mara na Ndugu Salum M.Chima ambaye alikuwa Katibu Tawala wa Mkoa wa Rukwa anahamishiwa Mkoa wa Tanga.

Wengine waliohamishwa ni Ndugu Mgeni Baruani ambaye alikuwa Katibu Tawala wa Mkoa wa Njombe anahamishiwa Mkoa wa Pwani; Ndugu Juma R. Iddi ambaye alikuwa Mkurugenzi wa Jiji la Mbeya anahamishiwa Jiji la Arusha kama Mkurugenzi; Eng. Omari Chambo ambaye alikuwa Katibu Mkuu, Wizara ya Uchukuzi anahamishiwa Mkoa wa Manyara kama Katibu Tawala wa Mkoa huo na Dkt. John Ndunguru aliyekuwa Naibu Katibu Mkuu, Wizara ya Ujenzi anahamishiwa Mkoa wa Kigoma kama Katibu Tawala wa Mkoa huo.

Imetolewa na:

Kurugenzi ya Mawasiliano ya Rais,

Ikulu,

DAR ES SALAAM.

18 Januari, 2014

AJALI MBAYA YAUA 9 NA KUJERUHI 30 MKOANI LINDI

Watu Tisa Wakiwemo Watoto Wawili Wamefariki Dunia Na Wengine Zaidi Ya 30 Kujeruhiwa Vibaya Baada Ya Basi La Abiria  La Alhabdullilah Linalofanya Safari Zake Kutoka Jijini Dar Kwenda Mtwara Kupinduka Katika Kijiji Cha Mambulu Manispaa Ya Lindi .Ajali Hiyo Iliyotokea Mchana Wa Leo Baada Ya Basi Hilo Kupishana Na Lori Na Kupoteza Mwelekeo Na Kupinduka Hali Iliyochangiwa Na Mvua Kubwa Iliyokua Ikiendelea Kunyesha.Hadi Vyombo Vya Habari Vinatoka Hospitali Marehemu Hao Hawakuweza Kufahamika Kwa Haraka Kutokana Na Kukatika Kwa Viungo Na Tayari Maiti Na Mjeruhi Wote Wamefikishwa Hospitali,Kamanda Wa Polisi Wa Mkoa Lindi George Mwakajinga Ambaye Alikuepo Kwenye Eneo La Ajali Hiyo,Hakuweza Kuongea  Chochote Kutokana Na Kutingwa Na Harakati Za Kuokoa Majeruhi Wa Ajali Hiyo

KATIBU MKUU KIONGOZI AONGELEA MAPENDEKEZO YA WAJUMBE WA BUNGE LA KATIBA MPYA PIA MABADILIKO KATIKA BARAZA LA MAWAZIRI

JAMBAZI LAUA NEWALA

Kamanda wa jeshi la polisi  mkoani Mtwara ZOLOTHE STEPHEN akionesha baadhi ya vifaa alivyoviacha jambazi aliyewauwa askari 2 na raia mmoja wilayani newala mkoa wa mtwara baada ya kupora fedha Tsh million 3.2 katika kituo cha mafuta 

Jeshi la Polisi mkoani Mtwara linamsaka mtu mmoja ambaye hajatambuliwa jina kwa tuhuma ya ujambazi na mauaji mwananchi mmoja na afisa upelelezi wa jeshi hilo wilayani Newala ASP Nurdin Kassim Seif.

Mwananchi mwingine aliayeuawa katika shambulio hilo la kustukiza ametambuliwa kuwa ni Hamza Msangaluwa aliykufa hapohapo na askari aliyetambuliwa kwa jina Robert Isaya (33) amejeruhiwa vibaya majani na amelazwa katika hospitali ya wilaya ya Newala.

Taarifa lliyotolewa na jeshi hilo na kusambazwa kwa vyombo vya habari mkoani Mtwara inasema mtu huyo akiwa na siraha aina ya SMG alifika katika kituo cha kuuzia mafuta cha camel katika kijiji cha Kiduni nje kidogo ya mji wa Newala na kuwalazimisha wahudumu kutoa fedha za mauzo yote ya siku mbili kwa kuwatishia na silaha.

Kwa mujibu wa taarifa hiyo iliyosainiwa na kaimu kamanda wa Polisi wa mkoa wa Mtwara Issa Mnilota jambazi huyo alifanikiwa kupora kiasi cha zaidi ya shs 3,299,180 ndipo wananchi walipojitokeza kumfukuza hadi umbali wa kiliomita 8 kabla ya jeshi la polisi kufika katika eneo la tukio.

Taarifa inabaisha kuwa maofisa wa jeshi la polisi walpofanikiwa kufika katika eneo la tukio mtuhumiwa akiwa amejificha vichakani alifyatua risasi na kuumuua raia papo hapo na baadaye kabla ya kumshambulia aliyaekuwa afisa upelelezi wa wilaya ya Newala na kusababisha kifo chake.

Mwili wa marehemu Hamza umekwishachukuliwa na ndugu zake kwa ajili ya taratibu za mazishi wakati ule wa ASP Nurdin Kasim Seif bado umehifadhiwa katika hospitali ya wilaya ya Newala kusubiri taratibu zingine.

Jeshi la polisi linatoa shukrani kwa wananchi wilayani Newala kwa ushirikisno waliouonyesha na kuendelea kutoa wito kwa wananchi mkoani humo kuendelea kushirikiana katika kuwabaini na kuhakikisha wale wote waliohusika wanatiwa nguvuni.