MBUNGE WA NEWALA ATEMBELEA VIJIJI ISHIRINI VYA WILAYA YA NEWALA

Mhe. Mkuchika akiwasomea wananchi wa kijiji cha Mdenga yaliyoandikwa katika Cheti cha Kijiji hicho kabla ya kukikabidhi kwa Mwenyekiti wa Kijiji.

Waziri wa Nchi, Ofisi ya Rais Utawala Bora na Mbunge wa Wilaya ya Newala kupitia chama cha mapinduzi (CCM), Mh. George Huruma Mkuchika, alitumia siku tano kutembelea baadhi ya vijiji katika wilaya ya newala na kuzungumza na wananchi wake juu ya mambo mbalimbali yanayohusu wilaya hiyo.

Ziara hiyo ilianza tarehe 30/09/2013 mpaka tarehe 04/10/2013 na ilihusisha vijiji ishirini (20) ambavyo ni Namangudu, Mdenga, Mahoha, Bahati, Likwaya, Chiwinda, Nandwahi, Kitangari, Tulieni, Matale, Namkonda, Mitahu, Mapili, Chikwedu, Mnalale, Matokeo, Mandumba, Kilidu, Mtangalanga na Butiama.

Mh. Mkuchika aliambatana na wakuu wa idara kutoka halmashauri ya wilaya ya newala, mkuu wa wilaya ya newala na viongozi wa chama cha mapinduzi wa wilaya hiyo ili kuongea na kujibu kero za wananchi. Viongozi alioambatana nao kutoka halmashauri ya wilaya ya newala ni Afisa Utumishi Bw. George Mussa; Kaimu Mhandisi wa Maji Bw. Nsajigwa Sadiki; Afisa Habari Bi. Lilian Lundo na Bi. Joseline Chambasi; Kaimu Mhandisi wa Ujenzi Bw. Albano Chilwa na Makamu Mwenyekiti wa Halmashauri Wilaya ya Newala Bw. Meggah Ramadhani. Pia aliambatana na mkuu wa wilaya ya newala Bw. Christopher Magalla pamoja na viongozi wa Chama cha Mapinduzi ambao ni Mwenyekiti wa CCM wilaya Bw. Ally Sadi; Makamu Mweyekiti Bw. Dadi .S. Kubanga; Mwenyekiti umoja wa wanawake (U.W.T) wilaya Bibi. Suwabu Msoweta; Katibu umoja wa vijana wilaya Bw. Andrea Gwaje; Katibu mwenezi Bw. Juma Limonga ; na Mwenyekiti kamati ya siasa wilaya Bw. Namata .A. Namata.

Pia  Mh. Mkuchika alitumia ziara hiyo kufungua rasmi na kutoa vyeti vya usajili wa vijiji vipya; kuwashukuru wananchi kwa kuendelea kuwa na imani  na chama tawala (CCM); kuwakumbusha wananchi umuhimu wa kudumisha amani na mshikamano; kusisitiza umuhimu wa kujiunga na mfuko wa afya ya jamii (bima ya afya) na kuzingatia maendeleo ya wilaya.

Vijiji vipya vilivyofunguliwa rasmi pamoja na kukabidhiwa vyeti na mh. mkuchika  ni pamoja na Mdenga; Likwaya; Chiwinda; Tulieni; Mbebede; Matale;  Chikwedu; na Mnalale.

Mh. Mkuchika alisema kufungua vijiji vipya ni moja ya sera ya serikali katika kugawanya maeneo ya utawala ili kusogeza huduma karibu na wananchi.